Sarrionandiaren lehen liburua berrargitaratua

“Izuen gordelekuetan barrena” izan zen Joseba Sarrionandiaren lehen liburua 1981ean argitaratua. Egileak hitzaurrean zioen nahiago zukeela liburudendetan baino gordairu zaharren batetan atxikitzea, berari eta adiskideei bakarrik zegokien lana izatea. Baina ez zen horrela izan. Aldeko iritziak laster nabarmendu ziren, zenbait poema kantu bihurtu ziren egilearen eta liburuaren ezagupena areagotuz eta hamarkada hauetako euskal poesian erreferente bilakatu zen. Bertan ageri dira gerora Sarrionandiaren obrako ezaugarri nagusiak izango zirenak. Liburua ia “desagertuta” egon da aspaldi honetan. Orain Pamielak argitaratzen du, egileak zuzendua eta hitzaurre berri batekin.