2016-01-15

Aritz Gorrotxategi idazlea gure ikastetxean

Gaur, urtarrilak 15, Aritz Gorrotxategi idazlearen bisita izan dute Batxilergoko 2. Mailako ikasleek.

Aritzek ‘Idazleak eskolan’ programaren barruan bisitatu gaitu. Programa Euskal Idazleen Elkarteak bultzatuta eta antolatuta dago.  Idazle bate bisita jaso ahal izateko ikastetxeek idazle bat aukeratzen dute eta idazle horren lan bat irakurri behar dute ikasleek. Bisita egunean  aukeratutako liburua izaten da saioaren ardatz.


Batxilergo 2. Mailako ikasleek Aritzen azken nobela irakurri dute: Koldar hutsa zara. Saioan zehar  nobelan agertzen diren gaiak sakondu  eta eztabaida bultzatu ditu idazleak.


Aritz idazlea, gidoigilea, zutabegilea, irakaslea eta itzultzailea dugu. Gidoigile bezala Goenkalen aritu da eta bere zutabeak Gaztetxulon, Egunkarian eta Berrian topa ditzakegu. Lan literarioan narrazioak (Egurra Pinotxori), nobelak (Kafkaren labankada, Gantzontziloak autobusean zintzilik, Kearen Truke, Axola ez duenean, Koldar hutsa zara) eta poesia (Taxi bat Hamlet-entzat, Zaldi hustuak, Hariaz beste) landu ditu.

iruzkinik ez:

Argitaratu iruzkina